Gaule News
बिहिबार, बैशाख ९, २०७८
Gaule Entertainment Media Group Pvt.Ltd.

नेपाली युवा भारतको चलचित्र नगरी मुम्बईमा प्रतिस्पर्धा गर्दै

नेपाली युवा भारतको चलचित्र नगरी मुम्बईमा प्रतिस्पर्धा गर्दै

मोरङ । विराटनगर महानगरपालिका–१० निवासी मोहनकुमार रौनियारका ३० वर्षीय छोरा अमित रौनियार भारतको चलचित्र नगरी मुम्बईमा आफ्नो स्थान बनाउन सफल भएको छ ।

दश वर्षअघि भारतको नयाँदिल्ली चार्टर्ड एकाउन्टेन्ट पढ्न गएका युवा अमितले पढाइभन्दा कलाकारितामा रुचि बढाउन थालेको थियो । लगातारको मेहनतबाट उहाँ भारतको चलचित्रमा देखिन थालेको छ । कलाकार अमितले विराटनगरमा सञ्चारकर्मीसँग संक्षिप्त कुराकानीका क्रममा आफूले इन्टरनेटमा प्रसारण हुने हिन्दी वेव सिरिज ‘ए दिल है मुस्किल’, दक्षिण भारतीय कन्नड भाषाको ‘रामाचारी टु पेन जिरो’ रामायण कथामा आधारित, हिन्दी चलचित्र मितेज, अर्को नाम घोषणा नभएको हिन्दी चलचित्र, हिन्दी भाषाको वेभ सिरिजलगायतमा अभिनय गरिसकेको जानकारी दिए । अमितले भने, “कला र कलाकारिताको क्षेत्रमा मुम्बईजस्तो ठाउँमा सङ्घर्ष गर्नु सामान्य होइन, एकसेएक कलाकार छन् आफूलाई टिकाइराख्न अझ बढी मेहनत र परिश्रम गर्नुपर्छ ।”

यसैगरी अमितले अभिनय गरेको ‘तेरा लव मेरा इश्क’ गीतको भिडियो भारतको प्रसिद्ध सङ्गीत कम्पनी टि सिरिजले चाँडै सार्वजनिक गर्न लागेको छ । रौनियारले सन् २०१३ मा मिस्टर एण्ड मिस दिल्लीमा बेस्ट फिजिक्स, सन् २०१७ मा मिस्टर उत्तराखण्डमा दोस्रो उपाधि हासिल गरेको थियो ।

भक्तपुरमा गएको फागुन १४ गते सम्पन्न इन्टरनेशनल फेसन शो बेस्ट मेल मोडलको उपाधिसमेत ग्रहण गर्नुभएका अमितलाई विराटनगर आउँदा उहाँका शुभचिन्तकहरुले भव्य स्वागत गरेका थिए । उहाँले भारतमा अभिनयको क्षेत्रमा काम गर्दा भारतीय अभिनेताहरुबाट राम्रो सहयोग पाएको प्रतिक्रिया दिए । रासस

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

ट्रेन्डिङ