Gaule News
बिहिबार, बैशाख ९, २०७८
Gaule Entertainment Media Group Pvt.Ltd.

चन्द्रोदयमा आधारभूत तहको अध्यापन सुरु, अध्यक्षद्धारा २ लाख ५५ को शैक्षिक अक्षयकोष स्थापना

चन्द्रोदयमा आधारभूत तहको अध्यापन सुरु, अध्यक्षद्धारा २ लाख ५५ को शैक्षिक अक्षयकोष स्थापना
फोटो: प्रदिप राईको फेसबुकबाट

सोलुखुम्बु । माप्य दुधकोशी गाउँपालिका २ ठूलोढुंगा स्थित चन्द्रोद्धय आधारभूत विद्यालयमा आधारभूत तह (कक्षा ८ सम्म) को अध्यापन सुरुवात गरिएको छ ।

शुक्रबार एक समारोहबीच माप्य दुधकोशी गाउँपालिका अध्यक्ष बुद्धिकिरण राईले आधारभूत तहको औपचारिक उद्घाटन गर्दै गर्नुभएको हो ।

उक्त विद्यालय विसं २०४० सालमा स्थापना भएको हो । विद्यालयका प्रधानाध्यापक प्रदिप राईकाअनुसार २०७५ सालमा कक्षा ६ र ७ सञ्चालन गरेपछि २०७७ मा पूर्ण रुपमा आधारभूत तह (कक्षा ६,७ र ८ सम्म) सञ्चालनमा ल्याइएको हो ।

कार्यक्रमका प्रमुख अतिथी तथा माप्य दुधकोशी गाउँपालिका अध्यक्ष बुद्धिकिरण राईले स्व. चन्द्र बहादुर राईको स्मृतिमा २ लाख ५५ रुपैयाँको शैक्षिक अक्षयकोषसमेत स्थापना गर्नुभयो । पूर्व प्रधानाध्यापकसमेत रहनुभएका स्व. चन्द्र बहादुर राई गाउँपालिका अध्यक्षका राईका सहोदर दाई हुन ।

उद्घाटन काय्रममा गाउँपालिकाकी उपाध्यक्ष जुनिता माया मगर, नेता मानबीर राई, वडा नम्बर २ का वडा अध्यक्ष तेज बहादुर थापा मगर, गाउँपालिका शिक्षा समिति सदस्य नौराज राई, पर्यटन व्यवसायी अमृत कुमार राईलगायतको उपस्थिति रहेको थियो ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

ट्रेन्डिङ