Gaule News
आइतवार, फाल्गुन २३, २०७७
Gaule Entertainment Media Group Pvt.Ltd.

प्रधानमन्त्री केपी ओलीको आवेगले देश संकटमा : शेर्पा

प्रधानमन्त्री केपी ओलीको आवेगले देश संकटमा : शेर्पा

सोलुखुम्बु । जनता समाजबादी पार्टी नेपालका केन्द्रिय सदस्य आङ काजी शेर्पा किसानले प्रधानमन्त्री केपी शर्मा ओलीको आवेगले देस संकटमा परेको आरोप लगाएको छ ।

जसपाले विहिबार सोलुखुम्बुको सल्लेरीमा आयोजना गरेको पत्रकार सम्मेलनमा बोल्दै नेता शेर्पाले राष्ट्रपति संविधानको रक्षक रुपमा रहनुपर्ने भएपनि राष्ट्रपतिले सही भूमिका निभाउन नसकेको बताए । प्रधानमन्त्रीले संविधानको धारा समेत उल्लेख नगरी संसद विघटनको सिफारिस गर्दा समेत स्वीकृत गरेको उहाँको भनाइ छ ।

यस्तै पार्टीका बरिष्ठ केन्द्रिय सदस्य राजकुमार राईले बर्तमान प्रधानमन्त्री ओलीले निर्वाचन गराउन नसक्ने भएकाले यदि अदालतले संसद विघटन सदर गरेमा देश फेरि एक पटक द्धन्दमा होमिने दाबी गर्नुभयो । प्रतिगमी कदम सच्याउन, जनताको अधिकार सुनिश्चित गर्न र देशलाई दुर्घटनाबाट जोगाउँन पनि सडक संर्घषकै बलमा संसद पुर्नस्थापनको विकल्प नरहेको उहाँको ठहर छ ।

साथै समाजबादी पार्टीले संसद विघठन विरुद्धको दोश्रो चरणको आन्दोलन सकिएको समेत पत्रकार सम्मेलन मार्फत जानकारी गराएको छ । आगामी दिनमा अन्य दलहरुसँगको सहकार्यमा सयुक्त सडक संर्घषमा जान सक्ने समेत सङ्केत गरेको छ ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

ट्रेन्डिङ