Gaule News
शुक्रबार, अशोज २, २०७७
Gaule Entertainment Media Group Pvt.Ltd.

सोलुखुम्बुको सिस्नेरी पहिरोमा ढुङ्गा खस्दा गाडी कुच्चियो, एकजना घाइते

सोलुखुम्बुको सिस्नेरी पहिरोमा ढुङ्गा खस्दा गाडी कुच्चियो, एकजना घाइते

गाउँले न्युज, सोलुखुम्बु । सोलुखुम्बु जिल्लाको सोलुधुदकुण्ड नगरपालिका स्थित सिस्नेरी पहिरोमा परि एउटा गाडीमा क्षति पुगेको छ ।
सोलुखुम्बुबाट काठ्माण्डौ तर्फ गई रहेको बा १७ च ६९३५ स्करपियोमा माथिबाट खसेको ढुङ्गा लागी क्षति पुगेको हो ।
सोमबार बिहान करिब साँढे ११ बजेतिर पहिरोको बिचमा पुगेको गाडीमा एक्कासी माथिबाट ढुङ्गा खसेर लागेपछि भाग्ने क्रममा एकजना सामान्य घाईते भएका छन् । जिल्ला प्रहरी कार्यालय, सोलुखुम्बुका अनुसार गाडीमा सवार ४ जना मध्ये काठ्माण्डौ निवासी ४२ बर्षिय डिबी शेर्पा घाईत भएका हुन् । पहिरोबाट खसेको ढुङ्गा लागेर गाडीको माथिल्लो भाग र साईडमा क्षति पुगेको छ । सामान्य घाईते शेर्पा सहित अन्य पुनः काठ्माण्डौ तर्फ लागेका छन् ।

सोलुखुम्बु जोड्ने एक मात्र मुख्य सडक निर्माण भएदेखि नै सोलुदुधकुण्ड नगरपालिका वडा नंं. ११ मा पर्ने सिस्नेरीमा बर्षायाममा प्रत्येक बर्ष ठुलो पहिरो जाँदै आएको छ । बर्षेणी लाखौंको क्षति प्र्‍याउदै आएको सो सडकको बिकल्पका बिषयमा छलफल भएपनि ठोस निर्णय भने भएको पाईदैन । यस बर्ष पनि अघिल्लो साता २ दिनसम्म पहिरोका कारण सवारी आवतजावत पुर्ण रुपमा ठप्प भएको थियो ।

sourse:hamropage

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

ट्रेन्डिङ