Gaule News
शुक्रबार, अशोज २, २०७७
Gaule Entertainment Media Group Pvt.Ltd.

जाजरकोटमा कुपोषणका कारण एक बालकको मृत्यु

  • admin
  • बिहिबार, फाल्गुन ५, २०७३
जाजरकोटमा कुपोषणका कारण एक बालकको मृत्यु

जाजरकोट, फागुन ५ –

कुपोषणका कारण जाजरकोटमा एक बालकको ज्यान गएको छ । पजारु–९ का १४ महिनाका अनेगत नेपालीको कुपोषणका कारण बुधबार ज्यान गएको पजारु स्वास्थ्य चौकीका अहेब प्रेमबहादुर शाहीले बताउनुभयो ।

बालकको तौल जम्मा पाँच किलो थियो । हिरा नेपाली र कर्णबहादुर नेपालीका पहिलो सन्तान अनेगतको उपचारका लागि रकम जुटाउने क्रम चलिरहेको थियो । रकम जुटाएर सदरमुकाम खलंगा लैजाने तयारी गरिरहेका बेला बालकको ज्यान गएको हो ।

कुपोषणका कारण बिरामी भएका बालकलाई धामी, झाँक्रीलाई देखाउँदा समयमा उपचार हुन सकेको थिएन । जाजरकोटमा कम उमेरमा हुने विवाह र कम उमेरमै बच्चा जन्मिने, उचित आहारविहारको कमी लगायतले बालबालिकामा कुपोषणको समस्या देखिने गरेको छ ।

तपाइको प्रतिक्रिया दिनुहोस्

Your email address will not be published. Required fields are marked *

हामी तपाईंको इमेल अरू कसैसँग साझा गर्दैनौं।

ट्रेन्डिङ